A Franzischinu Satta
Si mi ses un’amigu, mai manches
de mi mandare novidades tuas:
in giambu ’e una , mandaminde duas
e de m’iscrier mai non t’istanches.
Isco chi has abertos sos penseris
e podes esternare altos cunzettos
che de sa vera musa han sos derettos
e non che zertos de partos lezeris.
Si m’iscries , cuss’ora m’infiamo
de tottucantu cudd’ardore antigu
chi oe galu perservero e bramo.
Eo lu nutro, e sustenzo s’afficcu
chi sias sanu, carissimu amigu
est custu solu su chi bramat Chiccu.
Chiccu Ortu
Tonara , 25 de triulas 1992
Oroteddi 13 de Triulas 1980
Franzischinu carissimu,
ti hapo ’idu in’ artu, prenu de grassias, comente chi esseras sa luna, gai t’hapo descrittu appassionadamente cun tottu s’istima chi ti tenzo.
Azzettala, comente l’hapo collida, umile umile che a chie ti hat pensadu e ti hat hapidu in su coro.
Da-e s’amicu tuo
Chiccu Ortu
A Frazischinu Satta
(Poeta Mannu)
O luna graziosa
incantadu ti miro
in sinfinidu ispaziu
e cun malinconia
ch’idas s’umanidade.
Chiccu Ortu