Home / Poesia / In limba / Pupujones d’anneu

Pupujones d’anneu

 Oje

s’anima pranghet.

Bio iscussuras de ischinas

incurbiadas

dae su pesu  ’e sa ruche.

Sa mala sorte

buffat gurpina

uffrande

brentes de creaduras istasias

rucrande

muntones de carenas irghilinias

de feminas bezzas dae sempere.

E chie moricat ideas maccas

-mentosicos pessamentos-

crochit macchighines

dassaos in eredu

dae zente presumia e chene alentu

…beranos che sole e chene frinas.

Oje s’anima pranghet…

Bio

fertas e zovos

pupujones d’anneu

chelu nigheddu

…e tottu a furriu

corriolos de impudos tottu frassos.

sezsarda-copy

Check Also

tempo

Unu tempus credio…

Unu tempus credio chi fin fundos raros sa malissia e tottu sos irbirgos pro cuffunder …